ہر خانے میں کیا لکھنا ہے، یہ نمونوں سے سمجھ لیں۔ پھر اپنے مدرسے کی معلومات لکھیں۔
۳
مہتمم صاحب کے نام درخواست لکھیں
یہ درخواست مدرسے کے لیٹر پیڈ پر لکھیں، نیچے مہتمم صاحب کے دستخط اور مدرسے کی مہر لگائیں۔
باسمہٖ تعالیٰ
مکرم و محترم جناب حضرت مہتمم صاحب دار العلوم دیوبند
السلام علیکم و رحمۃ اللہ و برکاتہ
ہم اپنے مدرسے کو رابطہ مدارس اسلامیہ عربیہ دار العلوم دیوبند سے باضابطہ طور پر مربوط کرنا چاہتے ہیں۔ مدرسہ سے متعلق ضروری معلومات فارمِ رکنیت میں درج ہیں۔ حضرت والا سے درخواست ہے کہ ہمارے مدرسہ کو رابطہ مدارس میں شامل فرما کر شکر گذار فرمائیں۔ ان شاء اللہ ذمہ داران مدرسہ، رابطہ کے دستور العمل اور اس کے جملہ اصول و ضوابط کے پابند رہیں گے، ان کے مطابق مدرسہ کا نظام استوار رکھنے اور معیارِ تعلیم بہتر کرنے کی بھر پور جد و جہد کریں گے اور مرکزی دفتر رابطہ مدارس اسلامیہ عربیہ دار العلوم دیوبند کی جانب سے موصولہ تجاویز و اطلاعات کی تعمیل کریں گے۔
فقط و السلام
دستخط مہتمم مدرسہ
مدرسے کے مہتمم کا اسمِ گرامی
مدرسے کی مہر
۴
کاغذات صوبائی دفتر نوح میں جمع کرائیں
تمام کاغذات تیار کر کے صوبائی دفتر نوح میں جمع کرانا ہوگا۔
رکنیت فیس
اگر آپ نے ۳۰۰۰ روپے رکنیت فیس جمع نہیں کی ہے، تو براہِ مہربانی وہ بھی ہمراہ لائیں۔
تجدیدِ سند کا طریقہ
تین مرحلے۔ آپ کو خالی فارم بھرنے کی ضرورت نہیں۔
۱
پرانی سند ساتھ لائیں
سندِ رابطہ کی مدت صرف پانچ سال ہوتی ہے۔ اگر آپ کے پاس اس طرح کی سند موجود ہے، تو اُسے اصل حالت میں ساتھ لانا لازمی ہے۔
۲
تجدیدِ سند کی درخواست لکھیں
مدرسے کے لیٹر پیڈ پر لکھیں۔ خالی جگہ میں اپنی پرانی سند کا رکنیت نمبر لکھنا نہ بھولیں۔
باسمہٖ تعالیٰ
مکرم و محترم جناب حضرت مہتمم صاحب دار العلوم دیوبند
السلام علیکم و رحمۃ اللہ و برکاتہ
بعدہٗ عرض ہے کہ ہماری رابطہ مدارس کی سند کی مدت پوری ہو چکی ہے، اب اس کو ہم تجدید کرانا چاہتے ہیں، جس کا رکنیت نمبر ہے۔ لہٰذا حضرت والا سے مؤدبانہ درخواست ہے کہ ہماری سند کی تجدید فرما کر جاری فرما دیں۔
آپ کا عین کرم ہوگا،
فقط و السلام
دستخط مہتمم مدرسہ
مدرسے کے مہتمم کا اسمِ گرامی
مدرسے کی مہر
۳
پرانی سند کے ساتھ صوبائی دفتر نوح میں جمع کرائیں
درخواست اور پرانی سند — دونوں ساتھ لے کر صوبائی دفتر نوح میں جمع کرا دیں۔
اجتماعی امتحانات اور نتیجہ
یہ فارم اُسی صورت میں جمع ہوگا
جب آپ نے رابطہ مدارس کے تحت ہونے والے اجتماعی امتحانات میں شرکت کی ہو۔
رابطہ مدارس کے گذشتہ سال حفظ و ناظرہ، عربی اول و دوم کی تین تین کتابوں کا امتحان ہوا ہے۔ اجتماعی امتحانات کے تحت ہونے والے امتحانات کا نتیجہ رابطہ خود لگا دے گا۔
عربی سوم سے اوپر کی جماعتیں
اگر آپ نے اجتماعی امتحانات میں شرکت کی ہے، اور آپ کے مدرسہ میں عربی سوم سے اوپر کی جماعت بھی ہیں، تو آپ کو اُن کا بھی نتیجہ جمع کرنا ہوگا — مدرسہ کے لیٹر پیڈ پر، نیز عربی اول و دوم کی دیگر کتابوں کا بھی نتیجہ لگانا ہوگا۔
جانے سے پہلے فہرست ملا لیں
ہر چیز پر نشان لگائیں۔ نشان اسی فون میں محفوظ رہیں گے۔